Kataloniyaning “Barselona” klubi “Bayer” himoyachisi Jonatan Ta uchun dastlabki taklifni yubordi. Bu haqda Fabritsio Romano xabar berdi.
Manbaga ko’ra, “ko’k-anorranglilar” Tani kelasi yilning yozida erkin agent sifatida o’z safiga qo’shib olmoqchi. Hozirda tomonlar o’rtasida muzokaralar davom etmoqda.
Qayd etilishicha, “Barselona” sport direktori Deko va futbolchining agenti Pini Zaxavi o’rtasida allaqachon uchrashuv bo’lib o’tgan. Uchrashuvda Taning o’zi ham ishtirok etgan.
Ma’lumot uchun, Jonatan Taning “Bayer” bilan shartnomasi joriy mavsum so’nggida yakuniga yetadi. Uning Transfermarkt’dagi narxi 30 million yevroga baholanmoqda.
