Kataloniyaning “Barselona” klubi jamoa yarim himoyachilari Pedri va Gavi bilan shartnomani uzaytiradi. Bu haqda Fabritsio Romano xabar berdi.
Manbaga ko’ra, kataloniyaliklar 22 yoshli Pedri va 20 yoshli Gavi bilan yangi shartnoma imzolaydi.
Ma’lumot uchun, Pedri joriy mavsum barcha turnirlarda 18 ta o’yinda maydonga tushib, 3 ta gol urdi va 2 ta golli uzatmani amalga oshirdi. Gavi esa 7 ta o’yin o’tkazib, bitta golga mualliflik qildi.
Ta’kidlash joiz, “Barselona” Ispaniya La Ligasining 14-turidan so’ng 34 ochko jamg’argan holda turnir jadvalida peshqadamlik qilmoqda.
