Superog’ir vazn toifasida amaldagi jahon chempioni Aleksandr Usik va sobiq chempion Tayson Fyuri o’rtasidagi revansh janggi uchun gonorarlar ma’lum bo’ldi.
Revansh janggi uchun Usik umumiy mablag’ning 60, Fyuri esa 40 foizini oladi.
The Sportster nashri tarqatgan xabarga ko’ra, gonorarning umumiy miqdori 190 million dollarni tashkil qiladi. Usik 114 million, Tayson esa 76 million dollarni qo’lga kiritadi.
Ma’lumot uchun, Usik – Fyuri 2 janggi 21-dekabr kuni Saudiya Arabistoni poytaxti Ar-Riyodda bo’lib o’tadi.
Eslatib o’tamiz, mazkur kardda hamyurtimiz Isroil Madrimov ukrainalik Sergey Bogachukka qarshi ringga ko’tariladi.
