“Katta dubulg’a” turkumiga kiruvchi turnirlarning 22 karra g’olibi ispaniyalik tennischi Rafael Nadal faoliyatini yakunladi.
Eslatib o’tamiz, Nadal 10-oktyabr kuni Devis kubogi-2024 final bosqichi o’yinlaridan so’ng faoliyatini yakunlashini ma’lum qilgandi.
O’zining so’nggi uchrashuvida ispaniyalik raketka ustasi chorak finalda Botik van de Zandshulpga 4:6, 4:6 hisobida imkoniyatni boy bergandi.
“Bu nuqtaga kelish hech kimga yoqmaydi. Men tennis o’ynashdan charchaganim yo’q. Shunchaki, tanam endi tennis o’ynashni istamaydi”, – deydi Nadal.
Ma’lumot uchun, Rafael faoliyati davomida ikki marta Uimbldon va Avstraliya Ochiq chempionatida g’alaba qozongan, 4 marta US Open va 14 marta Roland Garros’da g’olib chiqqan. Hammasi bo’lib, Nadal 92 ta yakkalik bahslarida chempionlikni qo’lga kiritgan.
