Myunxenning “Bavariya” klubi asosiy jamoaning uch nafar o’yinchisi: Leroy Sane, Kingsli Koman va Serj Gnabri bo’yicha foydali takliflar tushsa, ularni sotish imkoniyatlarini ko’rib chiqishga tayyor. Bu haqda Bayern & Germany xabar berdi.
Manbaga ko’ra, nemis klubi maosh xarajatlarini kamaytirish maqsadida ba’zi futbolchilarni sotishga harakat qiladi.
Qayd etilishicha, Sane, Gnabri va Koman klubning eng ko’p maosh oluvchi futbolchilaridan biri hisoblanadi. Ular yiliga taxminan 60 million yevro olishadi.
Ma’lumot uchun, “Bavariya” joriy mavsum Bundesliga turnir jadvalida peshqadamlik qilmoqda. Vensan Kompani shogirdlari yakunlangan 10 ta turdan so’ng 26 ochko to’plashga muvaffaq bo’ldi.
