Vengriya poytaxti Budapesht shahrida bo’lib o’tgan 45-butunjahon shaxmat Olimpiadasida bronza medallarini qo’lga kiritgan O’zbekiston erkaklar terma jamoasi a’zolari “Prezident sovg’asi” sifatida BYD Chazor rusumli avtomobillar hamda pul mukofotlari bilan taqdirlanadi.
Turnir ishtirokchilari bugun, 24-sentyabr kuni Islom Karimov nomidagi Toshkent xalqaro aeroportida tantanali ravishda kutib olinadi va sovg’alar topshiriladi.
Eslatib o’tamiz, ushbu nufuzli musobaqada amaldagi chempion sifatida ishtirok etgan O’zbekiston terma jamoasi 17 ochko to’plab, uchinchi o’rinni qo’lga kiritdi.
Birinchi o’rin Hindistonga nasib etdi (21 ochko). Kumush medallariga ega chiqqan AQSh O’zbekistondan faqatgina qo’shimcha ko’rsatkichlar evaziga quvib o’tdi.
