Super og’ir vazn toifasida WBC, WBA, WBO va IBO kamarlari sohibi Aleksandr Usik Entoni Joshua va Daniel Dyubua o’rtasidagi jangni bevosita kuzatish uchun Londonga uchib ketdi.
Ukrainalik bokschi buni ijtimoiy tarmoqlardagi rasmiy sahifalari orqali ma’lum qildi.
Eslatib o’tamiz, Usik 17-sentyabr kuni Polshaning Krakov shahridagi aeroportda qo’lga olingan, keyinchalik Ukraina rasmiylari aralashuvidan so’ng qo’yib yuborilgan. Sportchining o’zi uning hibsga olinishi bilan bog’liq vaziyatni tushunmovchilik deb atagan.
Ma’lumot uchun, Entoni Joshua va Daniel Dyubua o’rtasidagi IBF kamari uchun jang 21-sentyabrdan 22-sentyabrga o’tar kechasi “Uembli” stadionida bo’lib o’tadi.
