Og’ir vazn toifasida IBF chempioni Daniel Dyubua Tayson Fyuri va Aleksandr Usik o’rtasidagi bo’lajak jang haqida o’z fikrlarini bildirdi.
“Umid qilamanki, Fyuri g’alaba qozonadi. Albatta, Usik ham yaxshi jangchi. Demak ko’ramiz. Usik birinchi jangda o’zini zo’r ko’rsatdi”, – dedi Daniel.
Ma’lumot uchun, Aleksandr Usik professional faoliyati davomida 22 ta jangda qatnashib, ularning barchasida g’alaba qozongan. Fyurining hisobida esa 34 ta g’alaba, bitta mag’lubiyat va bitta durang bor.
Eslatib o’tamiz, Usik va Fyuri o’rtasidagi jang 21-dekabr kuni Saudiya Arabistonida bo’lib o’tadi.
