Londonning “Chelsi” klubi “Vulverxempton” yarim himoyachisi Pedro Netoni o’z safiga qo’shib olmoqchi. Bu haqda Fabritsio Romano xabar berdi.
Manbaga ko’ra, “aristokratlar” 24 yoshli vinger bilan 6+1 ko’rinishida shartnoma imzolaydi. Ushbu transfer “Chelsi”ga 60+3 million yevroga tushadi. Neto bugun tibbiy ko’rikdan o’tadi.
Ma’lumot uchun, Neto o’tgan mavsum barcha musobaqalarda 24 ta o’yinda maydonga tushib, 3 ta gol va 11 ta golli uzatmani amalga oshirgan. Futbolchining “Vulverxempton” bilan tuzgan amaldagi shartnomasi 2027-yilning yoziga qadar mo’ljallangan.
