“Manchester Yunayted” bosh murabbiyi Erik Ten Xag jamoadagi jarohatlar haqida gapirdi.
Mavsum oldi o’rtoqlik uchrashuvlarida mankunianliklarning 4 nafar futbolchisi turli darajadagi jarohatlar oldi. Leni Yoro 3 oyga, Rasmus Xoylund esa 6 haftaga safdan chiqqan.
Shuningdek, Markus Reshford ham “Real Betis”ga qarshi uchrashuvda jarohat olib, maydonni erta tark etdi. Statistikaga e’tibor qaratilsa, o’tgan mavsumda “MYU” futbolchilari yil davomida 66 ta jarohat olgan.
“Bu futbolning bir qismi. Maydonga kirdingizmi, kurashasiz va albatta jarohatlardan qochib bo’lmaydi. Biz klub va jamoa sifatida bunga tayyor bo’lishimiz kerak.
Jarohatlangan o’yinchilar maydonga qaytish uchun kurashmoqda. Ularning ahvoli hozir yaxshi, ular allaqachon tiklanishni boshlagan va tez orada tarkibga qo’shiladi.
Yozgi transfer byudjetimiz cheklanganligini inobatga olsak, jarohatlanganlarning o’rnini to’ldirish uchun xaridlar bo’lmaydi. Bu hech narsani o’zgartirmaydi. Bizning rejamiz bor va biz uni amalga oshiramiz”, – deydi “qizil iblislar” bosh murabbiyi Erik Ten Xag.
