Yarim o’rta vazn toifasida amaldagi UFC chempioni Bilol Muhammad navbatdagi raqibi kim bo’lishiga oydinlik kiritdi.
“Faoliyatimni oxiriga kelib, men tarixdagi eng yaxshi yarim o’rta vazn toifasidagi jangchi bo’laman. Buning uchun esa barcha davogarlarni mag’lub etishim kerak. Shavkat Rahmonov mening keyingi raqibim bo’ladi. Undan keyin esa Jek Della Maddalena yoki Ian Garri. Men ularning mag’lubiyatsiz seriyasiga nuqta qo’yaman.
Men Abu-Dabida jang qilishni xohlardim. Biroq turnir juda tez o’tkaziladi. Ammo noyabr yoki dekabrda oktagonga qaytish juda yaxshi bo’lardi”, – deydi Bilol Muhammad.
Eslatib o’tamiz, Muhammad UFC 304 turnirida Leon Edvardsni mag’lub etib, yarim o’rta vazn toifasida yangi chempionga aylangandi.
