Moskvaning SSKA klubi yangi bosh murabbiyi Fabio Chelestini Abbosbek Fayzullayevning jamoada qolish yoki qolmasligini aniqlashi kerak.
“Nikolich taktik sxemani o’zgartirgach, yosh vinger o’z o’rnini yo’qotib qo’ygandek bo’ldi va endi uning kelajagi yangi murabbiy ishonchiga bog’liq. Agar Chelestini unga markaziy rolni bermasa, Fayzullayev xorij klublari bilan muzokaralarni boshlashi mumkin”, – deb xabar beradi Soccer.ru nashri.
Eslatib o’tamiz, avvalroq hamyurtimizga Turkiyaning “Istanbul Bashakshehir” klubi qiziqish bildirayotgani haqida xabarlar tarqalgandi. Biroq istanbulliklar matbuot kotibi ushbu ma’lumotlarni rad etdi.
Ma’lumot uchun, Abbosbek Fayzullayev o’tgan mavsum SSKA safida jami 39 ta o’yinda maydonga tushib, 3 ta gol urdi va 8 ta golli uzatmani amalga oshirdi. Uning Transfermarkt’dagi narxi 8 million yevroga baholanmoqda.
