O’zbekiston milliy terma jamoasi va Rimning “Roma” klubi hujumchisi Eldor Shomurodov Istanbulning “Bashakshehir” klubi bilan shartnoma imzolash uchun Turkiyaga yetib bordi. Bu haqda jurnalist Yakub Chinor xabar bermoqda.
Manbaga ko’ra, Shomurodov ayni paytda Istanbulda bo’lib turibdi. U klub bilan har tomonlama kelishuvga erishgan va yaqin kunlar ichida rasmiy shartnoma imzolanishi kutilmoqda.
Ma’lumot uchun, Shomurodov o’tgan mavsum “Roma” safida jami 37 ta o’yinda maydonga tushib, 7 ta gol urdi va 5 ta golli uzatmani amalga oshirdi. Uning “bo’rilar” bilan tuzgan amaldagi shartnomasi 2026-yilda yakuniga yetadi.
