Italiyalik mashhur insayder Fabritsio Romano joriy mavsum “Oltin to’p”ni kim qo’lga kiritishi mumkinligi haqida fikr bildirdi.
Uning aytishicha, “Barselona” vingeri Lamin Yamal ushbu mukofotga ega chiqadi.
– “Oltin to’p”ni bu yil Lamin Yamal qo’lga kiritadimi?
– Menimcha, ha, u qo’lga kiritadi deb o’ylayman. Biz bu haqida ko’p hamkasblarim, jurnalistlar bilan suhbatlashdik. Hammaning fikri shunga boradi.
Ayni damda Yamal singari jozibali futbol o’ynaydigan boshqa futbolchi yo’q. U maydonda haqiqiy mo’jizalarni namoyish etmoqda va bu “Oltin to’p”ga munosib ko’rsatkich”, – deydi Romano.
Ma’lumot uchun, 17 yoshli Yamal joriy mavsum “Barselona” safida 55 ta o’yin o’tkazib, 18 ta gol urdi va 25 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
