Madridning “Real” klubi hujumchisi Kilian Mbappe Chempionlar Ligasi chorak finalining javob o’yinida “Arsenal” darvozasiga gol ura olmadi. Shu tariqa, Mbappening samarasiz (gol yoki assistsiz) o’yinlari soni beshtaga yetdi.
OptaJean xabariga ko’ra, bu fransiyalik forvardning 2018-yilning aprel-may oylaridan beri eng yomon natijasi hisoblanadi. O’shanda ham Mbappe ketma-ket beshta o’yinda na gol urgan va na assist bergan.
Eslatib o’tamiz, “Real” Chempionlar Ligasi chorak finalining har ikki o’yinida (1:2, 0:3) “Arsenal”ga mag’lub bo’lib, turnir bilan xayrlashdi.
Ma’lumot uchun, Madrid klubi o’zining navbatdagi o’yinini La Liganing 32-turida “Atletik”ga qarshi o’tkazadi. Mbappe “Arsenal”ga qarshi o’yinda olgan jarohati sabab ushbu o’yinni o’tkazib yuborishi mumkin.
