2020-yilgi Tokio Olimpiadasi bronza medali sovrindori, ikki karra Jahon chempionatining kumush medali sohibi Kamshibek Konkabayev yana bir bor o’zining azaliy raqibi Bahodir Jalolovga qarshi jang qilishga tayyorligini bildirdi. Bu haqda Sportnews nashri xabar bermoqda.
“Agar jang tashkil qilinsa, Bahodir Jalolovga qarshi yana bir marta ringga chiqishga tayyorman. Albatta, bu qiziq jang bo’ladi. Hozirda professional boksda faoliyatimni davom ettirish yoki yo’qligi haqida o’ylayapman”, – deydi Konkabayev.
Eslatib o’tamiz, avvalroq qozog’istonlik bokschi havaskor boksdagi faoliyatini yakunlaganini e’lon qilgandi.
Ma’lumot uchun, Jalolov va Konkabayev havaskor boksda 10 marta to’qnash kelishgan va ularning ko’pida Bahodirning qo’li baland kelgan.
