Portugaliya terma jamoasi va Saudiyaning “An-Nassr” klubi hujumchisi Krishtianu Ronaldu matbuot anjumani vaqtida jurnalist bilan janjallashib qoldi.
Eslatib o’tamiz, Portugaliya terma jamoasi Millatlar Ligasi 1/4 final bosqichining dastlabki o’yinida Daniyaga mag’lub bo’lgandi (0:1).
O’yindan so’ng jurnalistlar jamoada nega g’alaba qozonish ishtiyoqi yo’qligi va 40 yoshli Ronalduning 90 daqiqa o’ynay olishi haqida so’rashdi, shuningdek, Roberto Martines jamoasini tanqid qilishdi.
Ronaldu esa bu savollarga quyidagicha javob berdi:
“Men terma jamoa atrofida salbiy fikrlar ko’payganini his qilyapman. Oxirgi paytlarda bir nechta matbuot anjumanlarini tomosha qildim va ko’rganlarim menga yoqmadi. Ochig’ini aytsam, siz bergan savollar shunchaki hurmatsizlikning bir ko’rinishidir.
Agar mendan javob olmoqchi bo’lsangiz, savol berganingizdan so’ng ko’zlarimga qarang. Mendan nimadir so’rab, keyin kompyuterga qarashdan foyda yo’q. Buning uchun keyinroq vaqtingiz bo’ladi. Agar kerak bo’lsa, buni 10 marta takrorlayman”.
