Angliya terma jamoasining sobiq hujumchisi Dion Dablin “Manchester Siti”da o‘zbekistonlik himoyachi Abduqodir Husanovga qanday baho berilayotgani haqida so‘zlab berdi.
“U nimadir noto‘g‘ri ketganida yordamga keladigan o‘yinchi – doim e’tibor markazida! Ba’zida omad kelmayotgan bo‘lsa-da, yomon futbolchi emas.
“Manchester Siti” vakillari va klubga yaqin odamlar bilan suhbatlashganda, ular uni tajovuzkor, to‘pni yaxshi boshqaradigan, tez harakat qiladigan o‘yinchi sifatida ta’riflashmoqda. Uning ko‘plab afzalliklari bor”, – deydi sobiq futbolchi.
Ma’lumot o’rnida, Dablin “Manchester Yunayted”, “Koventri Siti” va “Aston Villa” jamoalaridagi o‘yinlari bilan nom qozongan. U Angliya Premyer-ligasida 312 ta o‘yin o‘tkazib, 111 ta gol urgan.
