Yevropa Ligasi pley-off bosqichining javob o’yinida “Roma” o’z maydonida “Portu”ni qabul qilib, 3:2 hisobida g’alaba qozondi va ikki o’yin natijasiga ko’ra keyingi bosqichga yo’l oldi (4:3).
Hamyurtimiz Eldor Shomurodov uchrashuvni boshlang’ich tarkibda boshlab, 78-daqiqada zaxiraga olindi.
Shomurodov bahsni yuqori kayfiyatda o’tkazdi. 35-daqiqada Paulo Dibalaga golli pas berdi. Shuningdek, himoyaga qaytib raqib hujumlarini qaytarishda jonbozlik ko’rsatdi.
O’yindan so’ng statistikalarga ixtisoslashgan SofaScore nashri futbolchilarning maydondagi harakatlarini baholab chiqdi.
Unga ko’ra, Shomurodov 7,1 ballga loyiq ko’rildi va jamoasining eng faol harakat qilgan o’yinchilaridan biri bo’ldi.
