Ispaniya La Ligasi doirasidagi “Osasuna” va “Real” bahsini (1:1) boshqargan ispaniyalik hakam Luis Montero vaqtinchalik ishdan chetlatildi. Bu haqda Marca xabar bermoqda.
Eslatib o’tamiz, ushbu o’yinda hakam “Real” yarim himoyachisi Jud Bellingemni haqorat qilgani uchun maydondan chetlatgandi. Keyinroq futbolchining o’zi qo’pol so’z ishlatganini tan oldi, biroq bu so’zlar hakamga qarata aytilmaganini aytdi.
Shuningdek, Monteroning La Liga, UEFA, Ispaniya Qirollik futbol federatsiyasi (RFEF) hamda Talentus Sport kompaniyasida ulushi borligi aniqlangan va bu axloq kodeksiga to’g’ri kelmaydi.
Qayd etilishicha, RFEF hakamga nisbatan tekshiruv boshlagan. Bu ishdan xabar topgan Montero yuqorida aytib o’tilgan kompaniyalardan o’ziga tegishli bo’lgan barcha ma’lumotlarni o’chirib yuborgan.
