“Manchester Siti” bosh murabbiyi Pep Gvardiola o’zi murabbiylik qilishni orzu qilgan MYU futbolchisini aytdi.
Ispaniyalik mutaxassis “qizil iblislar”ning afsonaviy yarim himoyachisi Pol Skoulzni alohida ta’kidladi.
“MYU’da o’ynagan barcha futbolchilardan men Pol Skoulzni tanlagan bo’lardim. U shunchaki o’z davrining eng yaxshi yarim himoyachisi edi. Men unga murabbiylik qilishni orzu qilardim. Skoulz va Giggz ajoyib o’yinchilar, ular jamoa uchun mezon edi”, – deydi Gvardiola.
Ma’lumot uchun, Pol Skoulz butun faoliyatini MYU’da o’tkazgan afsonaviy ingliz futbolchisi hisoblanadi. U 11 marta APL, 2 marta Chempionlar Ligasi va boshqa ko’plab sovrinlarni qo’lga kiritgan.
