Madridning “Real” klubi vingeri Vinisius Junior “Los Blankos” bilan tuzilajak yangi shartnomasiga ko’ra 25 million yevrodan ko’proq maosh olmoqchi. Bu haqda Cadena Ser xabar bermoqda.
Manbaga ko’ra, 24 yoshli futbolchi va “Real” vakillari o’rtasida shu kungacha ikkita uchrashuv bo’lib o’tgan. Ularning birinchisida ispan grandi tomonidan taklif qilingan shartlar rad etilgan. Ikkinchisida esa Vinisius vakillari futbolchi qanday sharoitda shartnomasini uzaytirmoqchi ekanligini ma’lum qilishgan.
Endi esa uchinchi uchrashuv bo’lib o’tishi kerak. Unda tomonlar kelishuvga erishish uchun turli takliflarni o’rtaga tashlaydi va muhokama qiladi.
Ma’lumot uchun, Vinisiusning “Real” bilan tuzgan amaldagi shartnomasi 2027-yilga qadar amal qiladi. Uning Transfermarkt’dagi narxi 200 million yevroga baholanmoqda.
