Kataloniyaning “Barselona” klubi PSJ vingeri Bredli Barkolyani nishonga oldi. Bu haqda El Nacional xabar bermoqda.
Manbaga ko’ra, yaqinda parijliklar Xvicha Kvaratsxeliyani sotib olganidan so’ng asosiy tarkibdagi o’rnini yo’qotib qo’yishdan cho’chiyotgan 22 yoshli futbolchiga ispan grandi qiziqish bildirmoqda.
Qayd etilishicha, kataloniyaliklar sotib olish huquqi bilan ijaraga olish variantini ko’rib chiqmoqda.
Ma’lumot uchun, Barkolya joriy mavsum barcha turnirlarda 33 ta o’yin o’tkazib, 15 ta gol urdi va 8 ta golli uzatmani amalga oshirdi. Uning Transfermarkt’dagi narxi 65 million yevroga baholanmoqda.
