Saudiya Arabistoni ko’ngilochar tadbirlar bo’yicha bosh boshqarmasi raisi Turki Al ash-Sheyx muxlislar bilan suhbat chog’ida zamonamizning eng yaxshi bokschilari nomini aytdi.
Qizig’i shundaki, muxlislardan biri Turkidan top-10 bokschilar reytingini tuzishni so’ragan, ammo Al ash-Sheyx faqat sakkiz nafarini sanab o’tgan.
Turki Al ash-Sheyx talqiniga ko’ra, ayni damdagi top-8 bokschi:
1. Aleksandr Usik
2. Terens Krouford
3. Naoya Inoue
4. Jervonta Devis
5. Artur Beterbiyev
6. Shakur Stivenson
7. Saul Alvares
8. Dmitriy Bivol
Eslatib o’tamiz, Dmitriy Bivol va Artur Beterbiyev o’rtasida shu yilning 22-fevral kuni revansh janggi o’tkaziladi. Dastlabki jang 2024-yilning 12-oktyabrida bo’lib o’tgan. Jang to’liq 12 raund davom etgan va ochkolar hisobiga ko’ra Beterbiyev g’alaba qozongan.
