Tolyattining “Alaniya” klubi sobiq bosh murabbiyi Zaur Tedeyev “Manchester Siti” himoyachisi Abduqodir Husanovni Vladikavkaz klubiga taklif qilmoqchi bo’lganini aytdi.
“Anatoliy Yurevich “Energetika-BGU”da yaxshi markaziy himoyachi tayyorlagan – Abduqodir Husanov. Endi bu yigit “Manchester Siti”da. Aytgancha, men uni “Alaniya”ga olib kelmoqchi edim…
Ilk marta men uni ancha avval ko‘rgandim va o‘shandayoq uni o‘z jamoamda ko‘rishni istaganman. O‘sha paytdayoq bo‘lajak Van Deyk ulg‘ayotganini aytgandim. Hozir O‘zbekistonda yetishib chiqayotgan o‘yinchilar darajasini Rossiyada ham ko‘rishni istardim”, – deydi Tedeyev.
Eslatib o’tamiz, Abduqodir Husanov qishki transferlar vaqtida “Lans”dan “Manchester Siti”ga ko’chib o’tdi. Tomonlar o’rtasida 2029-yilning yoziga qadar mo’ljallangan shartnoma imzolagan.
