Turkiya Superligasi 23-turidan o’rin olgan “Galatasaroy” – “Adana Demirspor” uchrashuvi bosh hakam O’g’uzxon Chaqir tomonidan to’xtatildi. Bu haqda beIN Sports xabar bermoqda.
Manbaga ko’ra, “Adana Demirspor” klubi futbolchilari birinchi bo’limning 30-daqiqasida o’z darvozasi tomon belgilangan penalti sabab maydonni tark etishdi.
O’yin to’xtatilganda “Galatasaroy” 1:0 hisobida oldinda borayotgandi. Gol 12-daqiqada Alvaro Morata tomonidan kiritildi.
Qayd etilishicha, uchrashuvning keyingi taqdirini Turkiya futbol federatsiyasi belgilab beradi.
Ma’lumot uchun, “Galatasaroy” Turkiya Superligasi turnir jadvalida 21-turdan so’ng 57 ochko jamg’argan holda birinchi o’rinda bormoqda. “Anada Demirspor” esa 5 ochko bilan eng oxirgi, 19-o’rinni egallab turibdi.
