Portugaliya terma jamoasi va Saudiyaning “Al-Nasr” klubi hujumchisi Krishtianu Ronaldu futbolchilik faoliyatini yakunlagan sobiq jamoadoshi Marseloga murojaat qildi.
“Birodarim, qanday aqlbovar qilmaydigan martaba! Biz birgalikda ko’p narsalarni, turli yutuqlarni va unutilmas daqiqalarni boshdan kechirdik.
Siz jamoadoshdan-da ko’ra bir umrlik do’stsiz. Hammasi uchun rahmat. Hayotingizning yangi bosqichida sizga eng yaxshi tilaklarimni tilayman”, – deb yozadi Ronaldu ijtimoiy tarmoqlarda.
Eslatib o’tamiz, Marselo va Ronaldu 2009-yildan 2018-yilgacha Madridning “Real” klubida birga o’ynagan.
