Los-Anjelosda tashkil etilgan UFC 311 turniri yakunlariga ko’ra, jangchilarning gonorarlari miqdori e’lon qilindi.
Unga ko’ra, musobaqada eng ko’p gonorar Islam Maxachevga nasib etdi. Amaldagi chempion umumiy hisobda 3,6 million dollar ishlab oldi.
Arman Sarukyan o’rniga jang qilgan Renato Moykano esa 1,5 million dollar gonorar oldi.
Shuningdek, Merab Dvalishvili 2,2 million dollarga, Umar Nurmagomedov esa 1,13 million dollarga ega chiqdi.
Hamyurtimiz Bogdan Guskov esa umumiy hisobda 60 ming dollar gonorarni qo’lga kiritdi. U jangdagi ishtiroki uchun 28 ming, g’alaba uchun yana 28 ming, homiylardan esa 4 ming dollar oldi.
