Myunxenning “Bavariya” klubi yarim himoyachisi Tomas Myuller YChL umumiy bosqichining 6-turidan o’rin olgan “Shaxtyor”ga qarshi o’yinda bitta golga mualliflik qildi.
Ushbu natija orqali Myuller Krishtianu Ronaldu va Rayan Giggzning yutuqlarini takrorladi. Bu haqda Opta Sport xabar bermoqda.
Manbaga ko’ra, Myuller, Ronaldu va Giggz Chempionlar ligasida 16 mavsum davomida gol urishning uddasidan chiqqan. Reytingda faqat Lionel Messi va Karim Benzema ulardan yuqorida turibdi. Bu ikki futbolchi 18 mavsum davomida YChL’da gol urishga muvaffaq bo’lgan.
Ma’lumot uchun, Tomas joriy mavsum barcha turnirlarda 20 ta o’yin o’tkazib, 4 ta gol va 3 ta golli uzatmaga mualliflik qildi. Uning myunxenliklar bilan tuzgan amaldagi shartnomasi 2025-yilning yozida yakuniga yetadi.
