Yengil vazn toifasida UFC jangchisi Merab Dvalishvili Umar Nurmagomedovga qarshi ehtimoliy jang haqida fikr bildirdi.
Eslatib o’tamiz, Merab 15-sentyabr kuni divizionning amaldagi chempioni Shon O’Melliga qarshi oktagonga ko’tariladi.
“Umarga qarshi jangmi? Birinchi navbatda kuchli raqibim bor – Shon. Men bor e’tiborimni ushbu jangga qaratganman. Uni mag’lub etganimdan so’ng, UFC menga kimni bersa, jang qilaman.
Men hech qachon keyingi raqibimni tanlamayman. Agar keyingi raqibim Umar bo’lsa, bu ajoyib. Men jamoam bilan mehnat qilaman. Bu jang men uchun muammo emas”, – deydi Dvalishvili.
Ma’lumot uchun, Dvalishvili professional MMA’da 20 ta jang o’tkazib, 16 bor g’alaba qozongan.
Umar Nurmagomedov esa 18 ta jangda ishtirok etgan va ularning barchasida zafar quchgan.
