Ikki karra Olimpiada chempioni, professional boksning minimal vazn toifasida WBA kamari uchun majburiy davogar bo’lib turgan Hasanboy Do’smatov navbatdagi janggini chempionlik unvoni uchun o’tkazish niyatida ekanligi aytdi.
“Men barcha unvonlarga erishib bo’ldim, barcha turnirlarda g’olib chiqdim. Ikki karra Olimpiada chempioni hamda Vel Barker kubogi sohibiman. Ehtimol bu orqali havaskor boks tarixidagi eng so’nggi bokschiga aylangandirman.
Agar men erishmoqchi bo’lgan biror yutuq bo’lsa, bu professional ringda jahon chempioni bo’lishdir. Men minimal vazn toifasida WBA kamari uchun majburiy davogarman. Jamoam bilan chempionga qarshi jang o’tkazish imkoniyatini muhokama qilyapmiz”, – deydi Do’smatov.
Ma’lumot uchun, oy boshida WBA eng yaxshi bokschilarning yangilangan reytingini e’lon qildi. Bir yil davomida professional janglarda qatnashmaganiga qaramay, Hasanboy minimal vaznda birinchi o’rinni egallab turibdi.
