Afsonaviy bokschi Mayk Tayson uni hayratda qoldirgan sportchi kimligini aytdi.
“Agar bugun men uning divizionida bo’lganimda, Devid Benavides bilan jang qilishdan qo’rqqan bo’lardim.
Hozir unga qarshi hech kimning imkoniyati yo’q. Bu haqiqat. Biroq unga juda past baho berilmoqda”, – deydi Tayson.
Ma’lumot uchun, 27 yoshli Benavides professional faoliyati davomida 29 ta jangda ishtirok etgan va ularning barchasida g’alaba qozongan. Janglarining 24 tasida muddatidan avval zafar quchgan.
Eslatib o’tamiz, Benavides o’zining so’nggi janggini ukrainalik Aleksandr Gvozdikka qarshi o’tkazib, g’alaba qozongan va yarim og’ir vazn toifasida vaqtinchalik WBC chempionlik kamarini qo’lga kiritgandi.
