Og’ir vazn toifasida sobiq UFC chempioni, hozirda PFL jangchisi Frensis Ngannu MMA tarixidagi eng kuchli to’rta og’ir vaznli sportchilarni sanab berdi.
“Sport jadal ravishda rivojlanmoqda. Shuning uchun, odamlar ko’plab sportchilarni unutishdi.
Menimcha, ushbu ro’yxatga Stipe Miochich, Keyn Velaskes, Fedor Emelianenko va, albatta, o’zimni kiritgan bo’lardim”, – deydi kamerunlik jangchi.
Ma’lumot uchun, Ngannu 2013-yilda professional MMA’da debyut qilgan. 2021-yilda esa Stipe Miochichni nokautga uchratib, og’ir vazn toifasida UFC chempioniga aylangandi.
Frensisning UFC’dagi so’nggi janggi 2022-yilning mart oyida UFC 270 turniri doirasida bo’lib o’tgan. Unda Siril Ganga qarshi oktagonga ko’tarilgan Ngannu hakamlar qaroriga ko’ra g’alaba qozongan.
2024-yilning yanvar oyida esa jangchi chempionlik kamarini vakant qoldirib, UFC’ni tark etganini ma’lum qilgan.
