O’zbekiston Superligasida 16-tur uchrashuvlari yakuniga yetdi. Ayni damda turnir jadvaliga razm solsak, Qarshining “Nasaf” klubi 35 ochko jamg‘argan holda musobaqa jadvalida peshqadamlik qilmoqda. Ikkinchi o‘rindagi “So‘g‘diyona”da esa 30 ochko bor, 5 ochkolik farq. Jadvalning 3-pog‘onasida Olmaliqning OKMK klubi joy olgan, 29 ochko.
Xo‘sh, Ro‘ziqul Berdiyev bosh murabbiyligidagi “Nasaf” mavsum yakunida chempionlikni qo‘lga kirita oladimi? Quyida jamoaning avgust oyining qolgan qismi va sentabr oyi davomida kutib turgan uchrashuvlar ro‘yxatini taqdim etamiz.
17-tur. “Nasaf” – “Andijon”
18-tur. “Navbahor” – “Nasaf”
19-tur. “Nasaf” – OKMK
20-tur. “Bunyodkor” – “Nasaf”
Ta’kidlash joiz, 2022-yilda ham Superliganing so‘ngi tur uchrashuvlariga qadar turnir jadvalida peshqadamlik qilgan “Nasaf” hal qiluvchi o‘yinlarda ochkolarni boy berib, chempionlikni qo‘ldan chiqargandi.
Xususan, o‘sha mavsum o‘z maydonidagi so‘ngi o‘yinida Farg‘onaning “Neftchi” klubiga kutilmaganda 0:1 hisobida imkoniyatni boy berib qo‘ygandi.
