Saudiya Arabistonining Ar-Riyod shahrida 22-iyun sanasida UFC Saudi Arabia turniri bo‘lib o‘tadi.
Turnirning asosiy jangi o‘rta vazn toifasi vakillari Robert Uittaker va Ikram Aliskerov o‘rtasida kechadi.
Asosiy kard janglari Toshkent vaqti bilan 21:00 da start oladi.
Musobaqa oldidan jangchilar vazn o‘lchash marosimida ishtirok etdi:
- Robert Uittaker (84,4 kg) – Ikram Aliskerov (83,5 kg);
- Sergey Pavlovich (117,9 kg) – Aleksandr Volkov (117 kg);
- Kelvin Gastelum (83,7 kg) – Daniel Rodriges (83,5 kg);
- Shara Bullet (84,1 kg) – Antonio Trokoli (84,1 kg);
- Jonni Uoker (93,4 kg) – Volkan Ozdemir (93,4 kg).
Eslatib o‘tamiz, Robert Uittaker so‘nggi bor fevral oyida oktagonga ko‘tarilgan edi. UFC 298 turnirida Robert Paulo Kosta ustidan g‘alaba qozongan edi.
Aliskerov esa 2023-yilning oktyabrida Varley Alvesni 1-raundda texnik nokaut evaziga mag‘lub etgandi.
