Saudiya Arabistoni jamoalari “Barselona” vingeri Rafinyaga qiziqish bildirishda davom etmoqda. Bu haqda El Nacional xabar berdi.
Manbaga ko’ra, dastlab rad javobini olganiga qaramay, saudiyaliklar 28 yoshli braziliyalik futbolchini o’z safiga qo’shib olishga yana bir bor urinib ko’rmoqchi.
Qayd etilishicha, ular Rafinyani qo’lga kiritish uchun moliyaviy jihatdan yangi va yanada yaxshiroq taklif tayyorlamoqda.
Biroq Rafinyaning o’zi “Barselona”da qolishni va Yevropada futbolchi sifatida rivojlanishda davom etishni istaydi. Braziliyalik vinger ispan klubida o’zini baxtli his qilmoqda.
Ma’lumot uchun, Rafinya joriy mavsum klub safida jami 42 ta o’yinda maydonga tushib, 27 ta gol urdi va 18 ta golli uzatmani amalga oshirdi.
