Saudiya Arabistonida “Real” hujumchisi Vinisius Juniorni mahalliy klublardan biriga qo’shib olishga urinishlar davom etmoqda. Bu haqda Defense Central xabar berdi.
Manbaga ko’ra, saudiyaliklar rahbariyati mamlakat futboliga sarmoya kiritishni ko’paytirish maqsadida braziliyalik futbolchi bilan shartnoma imzolashni ustuvor vazifa qilib qo’ygan.
Shu maqsad yo’lida ular Vinisius uchun “Los-Blankos”ga 350 million yevro taklif qilishga tayyor. Ta’kidlanishicha, bu futbol tarixidagi rekord transfer bo’ladi.
Shuningdek, hujumchining o’ziga bonuslardan tashqari 1 milliard yevro maosh bilan besh yillik shartnoma taklif qilishmoqda.
Ma’lumot uchun, Vinisius joriy mavsum “Real” safida jami 32 ta o’yinda maydonga tushib, 16 ta gol urdi va 12 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
