Kataloniyaning “Barselona” klubi vingeri Lamin Yamal polshalik hujumchi Robert Levandovskini asosiy tarkibda ko’rishni istamayapti. Bu haqda El Nacional xabar bermoqda.
Manbaga ko’ra, 17 yoshli futbolchi Levandovski bilan yaxshi munosabatda bo’lishiga qaramay, Ferran Torres bilan o’ynashni afzal ko’radi.
Qayd etilishicha, Pedri va Yamal bosh murabbiy Hans-Diter Flikga murojaat qilib, joriy mavsumda o’yinlarni asosan zaxiradan boshlayotgan Torresni asosiy tarkibga kiritishni so’ragan.
Ma’lumot uchun, Levandovski joriy mavsum La Ligada 29 ta o’yin o’tkazib, 25 ta gol urdi va hozirda chempionatning eng yaxshi to’purari bo’lib turibdi. Shuningdek, YChL’da 10 ta o’yinda 9 ta golga mualliflik qildi.
