Ispaniya terma jamoasi vingeri Lamin Yamal jarohati sabab Millatlar Ligasining noyabr oyidagi o’yinlarini o’tkazib yuboradi. “Qizil furiya” bosh murabbiyi Luis de la Fuente iste’dodli futbolchi haqida fikr bildirdi.
“Yamalda futbol afsonasiga aylanish uchun hamma narsa bor. U hozir 17 yoshda va biz unga nisbatan juda ehtiyotkorlik bilan munosabatda bo’lishimiz kerak.
Faqat kamtarlik va professionallik poydevori bilan ko’p narsaga erishish mumkinligini bilish juda muhimdir. Talabkorlik va mas’uliyat eng zarur narsa”, – deydi de la Fuente.
Eslatib o’tamiz, Ispaniya terma jamoasi Yevro-2024’da bosh sovrinni qo’lga kiritgandi. Turnir finalida jamoa Angliyani 2:1 hisobida mag’lub etgandi.
