FIDE reytingi yangilandi. Reytingning kuchli 100 taligidan 5 nafar shaxmatchimiz joy oldi.
20 yoshli grossmeyster Nodirbek Abdusattorov bir pog’ona ko’tarilib, 6-o’ringa joylashib oldi. O’tgan oydagi reytingda hamyurtimiz 7-o’rinda qayd etilgandi.
Shuningdek, Javohir Sindorov ham reytingda yuqorilashga erishdi. Iyul oyida 54-o’rinda turgan grossmeysterimiz avgust oyi yakunlariga ko’ra 52-o’rindan joy oldi. Rustam Qosimjonov esa 42-o’rnini saqlab qoldi.
Bundan tashqari, Nodirbek Yakubboyev ham 72-o’rindan 61-o’ringa, Shamsiddin Vohidov esa 93-o’rindan 77-o’ringa ko’tarilib oldi.
Ma’lumot o’rnida, 10-23-sentyabr kunlari Vengriya poytaxti Budapesht shahri Butunjahon Shaxmat Olimpiadasiga mezbonlik qiladi.
O’z tarixida 45-marotaba tashkil etilayotgan Olimpiadada 3500 nafarga yaqin shaxmatchi qatnashishi kutilmoqda. Ular orasida amaldagi Olimpiada chempioni O’zbekiston terma jamoasi ham bor.
O’zbekiston terma jamoasi tarkibi:
GM Nodirbek Abdusattorov (2766)
GM Javohir Sindarov (2677)
GM Nodirbek Yakubboev (2666)
GM SHamsiddin Vohidov (2650)
GM Jahongir Vahidov (2571)
