Yengil vazn toifasida sobiq UFC chempioni Aleksandr Volkanovski nigeriyalik UFC jangchisi Israel Adesanyaning o’rta vazn toifasida amaldagi UFC chempioni Drikus dyu Plessiga qarshi janggi haqida fikr bildirdi.
“Izzidan ajoyib jang kutaman. Menimcha, bu uning Paulo Kosta bilan bo’lgan jangiga o’xshaydi. Drikusning o’ziga xos va g’ayrioddiy jang uslubi borligini ham unutmaslik kerak. Bu safar shaxsan men hech qanday kutilmagan voqealarni kutmayapman. U jon-jahdi bilan chiqib, barchamizni hayratda qoldiradigan spektakl namoyish etadi.
Biroq, Izzi ehtiyot bo’lishi kerak, chunki Drikus qiyin raqib va aql bovar qilmaydigan jismoniy kuchga ega. Men katta bir voqea sodir bo’lishini his qilyapman, ya’ni biz katta marraga guvoh bo’lamiz, bu Adesanyaning o’ziga xos xususiyati. Buning sharofati bilan Israel avvalroq egallab turgan o’rniga qaytadi”, – deydi Volkanovski.
Ma’lumot uchun, Israel Adesanya va Drikus dyu Plessi o’rtasidagi jang 17-avgust kuni UFC 305 turnirida bo’lib o’tadi.
