Yunon-rum kurashi boʻyicha Oʻzbekiston terma jamoasi aʼzosi Aram Vardanyan (-77 kg) uchinchi oʻrin uchun bellashuvda gilamga chiqdi.
2021-yilgi jahon chempioni, armanistonlik Malxas Amoyan bilan kurashgan yurtdoshimiz magʻlubiyatga uchradi va Olimpiadani beshinchi pogʻonada yakunladi.
Shuningdek, yana bir kurashchimiz Rustam Assakalov Parij-2024 yozgi Olimpiya oʻyinlaridagi ishtirokini tugatdi. -97 kg vazn toifasida gilamga chiqqan yurtdoshimiz uchinchi oʻrin uchun kechgan bellashuvda kubalik amaldagi jahon chempioni Gabriyel Rosilloni bilan bellashdi.
Afsuski, Assakalov bahs davomida jarohat olib kurashni davom ettira olmadi va mazkur olimpiadani beshinchi pogʻonada tugatdi.
