O’zbekistonlik professional bokschi va sobiq jahon chempioni Murodjon Ahmadaliyev ijtimoiy tarmoqlarda yaponiyalik mutlaq chempion Naoya Inoueni tanqid qildi.
“Ko’rinishidan, P4P yulduzi hali katta sinovlarga tayyor emasga o’xshaydi. U qochishda davom etishi mumkin, lekin men baribir o’zimga tegishlisini olaman. “MJ” yana o’z ishiga qaytdi”, – deydi Ahmadaliyev o’z Instagram sahifasida.
Ma’lumot uchun, 31 yoshli Naoya Inoue ayni paytda ikkinchi yengil vazn toifasida WBA, WBC, WBO va IBF kamarlari sohibi hisoblanadi.
Murodjon Ahmadaliyev esa uning WBA kamari uchun majburiy davogar bo’lib turibdi. Inoue 3-sentyabr kuni avstraliyalik Ti Jey Doxeni bilan jang qilib, muddatidan avval g’alaba qozongandi.
