Ikkinchi eng yengil vazn toifasida WBA Interim kamari sohibi, o’zbekistonlik professional bokschi Murodjon Ahmadaliyevning navbatdagi jang sanasi va manzili ma’lum bo’ldi.
Unga ko’ra, 30 yoshli bokschimiz 14-sentyabr kuni Yaponiyaning Tokio shahrida tashkil etiladigan prof boks oqshomining markaziy janggida mutlaq jahon chempioni Naoya Inouega qarshi ringga ko’tariladi.
Ushbu jang mutlaq jahon chempionlik unvoni uchun bo’lib o’tadi.
Ma’lumot uchun, Murodjon Ahmadaliyev professional faoliyati davomida 15 ta jang o’tkazib, ularning 14 tasida g’alaba qozongan, bitta jangda esa mag’lubiyatga uchragan. Inoue hisobida esa 30 ta g’alaba mavjud.
